欽天監爆大鑊

衙門爆大鑊，欽天監「掛波」，兒嬉過「賭博」，天災變「人禍」。蟻民多難過!

話說近多年，蓮花地「報天」，經常亂咁「變」，話「風和日麗」，卻狂風東西。天降大暴雨，淋到「狗咁」勢，全城皆濕透，才「預告」出嚟。蟻民受煎熬，受苦不知計。早怨聲載道，高官大老爺，卻吾知點好?

直到「天鴿」來，人禍變大災，死傷達數十，受損過百億，有人「借尿遁」，全城民「不准」，包公也升堂，臭史才露光。

包公經開案，日昨對外講，話說欽天監，處事常違章，風球應否掛? 要掛何號碼? 全獨自決斷，絕少加意見，密室發指令，理由說不清，結果災難多，蟻民嘆奈何!

每次闖禍後，天監有辯口，掛風球之計，應要「就客仔」，風球之高低，吾係睇風力，而係睇「面色」。「老勢」示意「低」，不論狂風勢，也要掛「好睇」，全城捱苦後，下一趟風到，雖然風力細，掛波也要「威」! 預告天氣情，有若「鬼靈精」，一時報一樣，總之民不明。

蟻民被慘弄，無明火氣沖，更死傷數十，損銀兩百億，天監欲逃遁，蟻民阻「博懵」，同聲要負責，定把妖氣壓!

話說想當年，西洋觀天手，羅馬利馬竇，迢迢抵澳門，大三巴潛修，飽食三年多，葡式馬介休，學備好功夫，上京顯身手，更帶埋徒弟，學者徐光啟，京師觀象台，夜觀眾天象，日間勤測量，得出好結果，呈獻明帝皇。屢御前殿試，皆獲準測試!

皇上見功夫，龍顏大悅呼，冊封利馬竇，朝廷欽天監，統領各省市，預報各天時。

三百多年前，考核公務員，已經甚嚴謹，如今大祠堂，因何此荒唐? 最近官空降，能官名「偉哥」! 民望大刀斧，撥亂正朝綱!

‧阿茂‧