賀一誠重申不合做特首

【本報訊】立法會主席賀一誠昨午會見傳媒，總結過去一年的工作。一年之後，本澳將進行立法會選舉，三年之後，再有行政長官選舉。有葡文記者詢問賀一誠：會否再參選立法會？或者會否如外界所傳，將參選行政長官？賀一誠聽到這問題後，笑著說：「呢個問題，今日走唔甩！」(見圖)

身為間選議員的賀一誠指出，若得不到行業推選為代表進入立法會，便要參與直選。不過，以現時的年齡，他是不會參與直選的。並說：「我而家同你講我唔參選 (立法會)，你即刻問我係唔係選特首。我只能含糊講一句：未有決定啦！」他重申，明年才是立法會選舉，現時要答是否參選實屬太早。

立會管唔好重去做特首畀人「殺」！

賀一誠也指出，過去十多年，很多次就參選特首表態，但公眾總是不信。今天，不會再表態。對此，葡文記者認為賀一誠未回應問題，賀一誠再笑答：「我回答咗！好多年前我都講過：我唔會去做！我唔係好適合做！我而家立法會都管得唔好，畀人哋鬧！重去做持首，畀人殺咗我！」

人貴自知‧澳多人才

不過，有中文記者追問：不適合可能是個人願望或自己不想當特首，如果有人提名或中央建議，會如何選擇？賀一誠稱：「人貴有自知之明。自己都認為自己唔得，冇信心點去做呢？同埋，年紀都唔允許，同輩都可以退休，我仲喺度捱？澳門人才輩出，好多人才喺度。」