失憶至係人才

習主席訪澳，提出四希望，最後之一點，培養澳人才。蓮花地祠堂，早前放「聲氣」，蓮花地人才，十分之「缺乏」。新祠堂「開檔」，竟選出老爺，曾經「大失憶」。老爺之衙門，曾是「污水塘」，曾出大污虫，臭史揚天下。現揀出「人才」，「恰當更缺乏」！

祠堂新開張，新選之「坐堂」，竟留「污檔案」，這「千挑萬選」，挑出「失憶郎」？!蓮花地「人才」，「缺乏」得「恰當」。結果此「巧合」，顯示何「境況」？過海無忌憚？收窄「耶蘇光」？

經過「千難萬險」，費盡九牛二虎之力，蓮花新祠堂，最終「開檔」，既是最後「一鋪」，當然盡力「一鋪」，各大衙門，花名冊逐步排開，「秘密」稍解，竟然嚇人一跳，當年貪污重「災區」之土地公衙門，名振一時之「失憶」二郎，今日意然「坐正」。

八掛墟嗰度啲父老不禁嘩然，有冇搞錯！？還係錯得咁「巧合」？半唐番老爺被問倒口窒窒，即時耍出西洋太極，推椿「唔關佢事」！「係上邊嘅意思」！時聞仔當然窮追猛打，捉到個好機會，纏住「尊者」嚟「質」，點知「尊者」就係尊者，講嘢滑溜好多，將個「波」踢番轉頭，耍半唐番老爺翻個「波餅」。

呢場戲睇到啲父老頭「岳」，暈頭轉向，滿腦疑雲？究竟係邊個選咗個「失憶老爺」出嚟？點解千揀萬揀，祠堂咁多能人吾揀，偏偏要揀咗個被大法官痛罵嘅「失憶」老爺出嚟？將來如果佢又做咗曾「大鑊嘢」，又突然再度「失憶」，又邊個接佢嗰篤「蘇州」嘢！？點解陽光祠堂經常都咁啱搵啲有「斑點」嘅「大才」出嚟「擔當重任」！？

其實諗呢啲問號嘅人真係天真！只要諗一諗「土地公」主要嘅功能係乜？佢掂嘅銀兩多少!？佢過去嘅歷史又係點？就會明白，千揀萬揀，搵番個「失憶」「斑點」，真係費煞「苦心」　呢類「人才」，真係好「恰當」，更加好「缺乏」架！

阿茂