篤數公好波

篤數公，近又篤穿一個違規「大姑窿」，多個衙門，各出鬼招，上下其手，搏命揮霍，好似慌死，「阿公」唔怕窮。此一「奇聞」，激起D高人議員，又罵一頓!被篤衙門，循例「檢討」，認真「理解」，兩招「太極」，又「過骨」蒙遁。

這趟「大發現」，篤出多個衙門，巧立名目，調查，測試，研究……名目多，繞過法律，違章犯紀，暗渡「陳倉」，分別免標批給，重覆批給，多項批給，同一公司。眾多手段，同一目的，替阿公「散財」，及對祠堂不利。

據篤數公話，初步查出，僅四年間，各大衙門，僅被揭出，「問題批給」，接近百項，花費公帑，超一億多。

各「豪氣」衙門，以公務部門居多，「土地公」，「管轎」，「保靚靚」……等，大多熟口熟面，「戰積彪炳」，狂花散慣，又「政績斐然」之所。

篤數公話，好似管轎衙門咁，成日話要做調查研究，研來研去，同一項目，都「研」幾次，但研究之後，則無下文。好似街頭啲入銀錶，已經有確實數字，只要按吓個電腦，數目就會「彈」出嚟，管轎局都要花大筆銀兀両，搵人去數?點解明明有實數係度，仲要花大銀去數?有乜企圖?轎局冇答覆。

另外，「保靚靚」衙門，成日話要測度空氣，本來請人去測，大條法律，講明點樣去請，但保靚衙門啲人，都唔跟住做，廿幾次都係「阿拉法」，自把自為，都請同一個「老勢」去做，免問價，免招標，就「過水」。

呢幾間花花公子「衙門」做咁多「鬼鼠」嘢，最終結果，就係洗咗阿公唔少錢，洗嘅過程，不明不白，更唔使負責。

每一陣子，篤數公都篤出唔少「鬼鼠嘢」，已成常態，點解仲有咁多衙門老爺，夠膽以身試「法」，無他!有權無責，有「收入」，冇支出，怕什麼?

蓮花祠堂開檔以來，歷年「鬼鼠嘢」，多如牛毛，做「鬼」的，儘管被篤出，亦極少要孭責，多不了了之，轉身又「試」，故「鬼鼠嘢」，如鼠屎，滿地是。

如何能遏止!?看包公，之主意，若包公，雖有心，惜無力，只能問，北大人，巡視組，巡一吓，到時候，何反應，便會知!

‧揚正氣‧